Partit Momentum

Dwar

Momentum (Partit Momentum) huwa partit politiku ċentrist sa ċentru-xellug f'Malta, imwaqqaf fl-2024 minn Arnold Cassola u Mark Camilleri Gambin. Jiffoka fuq governanza tajba, sostenibbiltà ambjentali u politika soċjali progressiva.

L-aħħar aġġornament: May 16, 2026

• Jidħlu fis-seħħ referenda propożittivi u mhux biss dawk abrogattivi

  Institutional Reform

  Iċ-ċittadini għandhom ikunu jistgħu jipproponu liġijiet ġodda (propożittivi) u mhux biss jivvutaw biex ineħħu dawk eżistenti (abrogattivi). Irridu nbiddlu l-liġi tar-referenda biex il-pubbliku jkollu sehem attiv fit-tibdil tal-liġijiet permezz ta’ referenda propożittivi. Bħalissa, bir-referenda, il-pubbliku jista’ biss jirreaġixxi għal liġijiet ġa eżistenti.

• Tnedija ta’ proċess formali maqsum f’diversi fażijiet ta’ riforma kostituzzjonali permezz ta’ Konvenzjoni Kostituzzjonali, assemblej taċ-ċittadini u referendum nazzjonali

  Institutional Reform

  Il-Kostituzzjoni ta’ Malta, adottata fl-1964 u riveduta fl-1974, serviet lill-pajjiż mill-Indipendenza sas-sħubija fl-UE. Iżda sittin sena wara qiegħda turi li żmienha għamlitu. Is-setgħa eżekuttiva hija kkonċentrata żżejjed, is-sorveljanza parlamentari hija dgħajfa, il-protezzjoni tad-drittijiet hija limitata, u ċ-ċittadini qatt ma ġew mistiedna b’mod sinifikanti biex ifasslu d-dokument li jirregola ħajjithom. Aħna rridu li l-Konvenzjoni Kostituzzjonali tkun stabbilita skont il-liġi, magħmula minn esperti legali, rappreżentanti tas-soċjetà ċivili, imsieħba soċjali u atturi politiċi maħtura permezz ta’ proċess trasparenti. L-abbozz tagħha jiġi ppreżentat f’assemblej strutturati taċ-ċittadini għad-diskussjoni u l-irfinar, segwit minn skrutinju parlamentari sħiħ u referendum nazzjonali vinkolanti. Il-Kostituzzjoni tappartjeni lill-poplu, u l-poplu għandu jkollu vuċi vera fit-tiġdid tagħha. Democratic Innovation Innovazzjoni Demokratika

• Inħeġġu diskussjoni pubblika matura, bir-reqqa u li ssegwi pass pass il-proċessi tal-mewt assistita bi żmien biżżejjed għad-deliberazzjoni

  Health

  Il-mewt assistita hija waħda mill-aktar kwistjonijiet kumplessi u sensittivi li soċjetà tista’ tiffaċċja. Se nħeġġu dibattitu pubbliku serju, bla heda u ġenwinament inklużiv fejn il-perspettivi kollha jkunu jistgħu jiġu diskussi fl-ispazju li jistħoqqilhom u fejn il-konklużjonijiet jintlaħqu permezz ta’ diskussjoni solida aktar milli għall-gwadann politiku. Il-membri tagħna se jkunu liberi li jivvutaw skont il-kuxjenza tagħhom dwar din il-kwistjoni.

• Nintroduċu sistema ta’ e-voting u metodi alternattivi ta’ votazzjoni għaċ-ċittadini Maltin kollha, f’Malta u barra mill-pajjiż

  Institutional Reform

  Eluf ta’ ċittadini Maltin li jgħixu barra minn Malta huma effettivament esklużi mill-elezzjonijiet minħabba li mhux dejjem ikunu jaffordjaw jew ikunu jistgħu jagħmlu l-arranġamenti meħtieġa biex itiru lejn il-pajjiż sabiex jivvutaw. Il-prattika li jiġu offruti titjiriet sussidjati ntużat regolarment mill-PL u mill-PN biex ikomplu bis-sistema tagħhom ta’ simpatija. Se naħdmu biex nintroduċu diversi metodi għaċ-ċittadini Maltin biex jivvutaw minn posthom stess, inkluż votazzjoni online sigura, poloz tal-vot bil-posta, u votazzjoni fl-ambaxxati u fil-konsulati. Kull ċittadin għandu jkun jista’ jeżerċita d-dritt tiegħu li jivvota irrispettivament minn fejn jgħix u se naħdmu biex dawn l-għażliet ikunu disponibbli sal-elezzjonijiet ġenerali li jmiss skedata għall-2031.

• Noffru inċentivi ta’ kreditu tat-taxxa għall-attendenza ta’ korsijiet ta’ edukazzjoni demokratika

  Education

  Il-parteċipazzjoni fl-edukazzjoni ċivika għandha tiġi mħeġġa b’mod attiv. Se nintroduċu inċentivi ta’ kreditu tat-taxxa għaċ-ċittadini li jattendu korsijiet ta’ edukazzjoni demokratika, filwaqt li nirrikonoxxu li ċittadini infurmati u impenjati fit-tmexxija tal-istat mhumiex spiża għall-istat iżda investiment fis-saħħa tad-demokrazija tagħna.

• Programmi demokratiċi edukattivi għaċ-ċittadini dwar is-sistemi elettorali u r-responsabbiltà

  Democratic Innovation

  Ħafna ċittadini ma jifhmux kif taħdem id-demokrazija tagħna jew kif iżommu lill-politiċi responsabbli. Aħna se noħolqu programmi statali biex ngħallmu lin-nies dwar id-drittijiet demokratiċi, is-sistemi elettorali, u kif l-awtoritajiet huma mistennija li jerfgħu r-responsabbiltà għall-azzjonijiet tagħhom. Istituzzjonijiet Edukattivi Terzjarji jiġu inċentivati jorganizzaw korsijiet jew workshops għaċ-ċittadini dwar id-demokrazija.

• 

  Alastair Farrugia

  #4 Raħal Ġdid u Ħal Tarxien

• 

  Arnold Cassola

  #9 L-Imsida, San Ġwann u s-Swieqi

• 

  Billy McBee

  #1 Il-Belt Valletta u l-Port

• 

  Carmel Asciak

  #12 L-Imġarr, Il-Mellieħa u San Pawl il-Baħar

• 

  Mark Philip Camilleri Gambin

  #3 Iż-Żejtun u x-Xlokk

• 

  Matthew Agius

  #2 Il-Kottonera u Ħaż-Żabbar

• 

  Pierre Schembri-Wismayer

  #7 L-Imdina, Ir-Rabat u r-rħula tal-Punent