Partit Nazzjonalista

“Nifs Ġdid”

Dwar

Il-Partit Nazzjonalista (PN) huwa partit politiku Kristjan-demokratiku u taċ-ċentru-lemin f'Malta. Twaqqaf fl-1926 bl-għaqda tal-Maltese Political Union u tad-Democratic Nationalist Party, b'għeruq li jmorru lura sal-Partit Anti-Riformista ta' Fortunato Mizzi tal-1880. Mexxa lil Malta fl-Unjoni Ewropea fl-2004 taħt il-Prim Ministru Eddie Fenech Adami, u bħalissa huwa l-partit prinċipali tal-oppożizzjoni fil-Kamra tar-Rappreżentanti, immexxi minn Alex Borg b'Alex Perici Calascione bħala viċi-kap.

Proposti ewlenin

Ara l-proposti kollha →

L-aħħar aġġornament: May 21, 2026

Inqas dipendenza fuq il-prodotti importati
Noħolqu pjan biex innaqqsu d-dipendenza fuq l-inputs importati, fosthom fejn jidħlu l-għalf, il-fertilizzanti u l-enerġija, permezz ta’ aktar ċirkularità, użu tal-prodotti sekondarji u effiċjenza. Il-mira hi li nsaħħu l-awtonomija strateġika tas-settur u nnaqqsu l-vulnerabbiltà għal xokkijiet esterni.
Valorizzazzjoni sħiħa tal-għoġiela maskili lokali
Nappoġġaw unità jew sistema kooperattiva biex l-għoġiela maskili tal-ħalib ma jintilfux iżda jitkabbru għaċ-ċanga lokali. Sa nofs il-leġiżlatura nibnu katina li tuża aktar riżorsi lokali, toħloq valur miżjud u tnaqqas id-dipendenza fuq l-importazzjoni taċ-ċanga.
Pjan għall-ħamrija
Inniedu pjan Nazzjonali għall-protezzjoni tal-ħamrija b’analiżi, monitoraġġ u azzjoni kontra l-erożjoni, il-ħamrija iebsa u t-telf tal-materja organiku. Il-bdiewa li jidħlu fl-iskema jkollhom pariri personalizzati dwar l-azzjonijiet li jkollhom bżonn jieħdu.
Ħarsien u propagazzjoni ta’ varjetajiet u razez indiġeni
Ninvestu fil-konservazzjoni, ir-reġistrazzjoni u l-propagazzjoni ta’ varjetajiet lokali ta’ pjanti u razez rilevanti ta’ bhejjem u xtieli lokali, kemm għal reżiljenza klimatika kif ukoll għall-identità agrikola. Fi tliet snin ikollna programm ta’ bank ġenetiku, nursery u appoġġ għall-użu kummerċjali sostenibbli.
Ħlas lura ta’ nofs l‐imgħax tas‐self fuq id‐dar għall‐ewwel 10 snin
Il‐pensjonanti li jibdlu d‐dar ma jħallsux taxxa tal‐boll fuq l‐ewwel €350,000